දැනෙන නොදැනෙන තරමට
රිදෙන නොරිදෙන තරමට
වැටෙන නොවැටෙන තරමට
පාඩම් කියා දුන්
ජීවිතේ පැරණි විෂය නිර්දේශය
නව විෂය නිර්දේශයකට පෙරලන්නට
කල් හරි... ♥️

චේ...

අපා ගැබ

අපේ රං පුතු එක්ක මට නැවතියං කියා
උඹ ගියේ දෙව් සරණ හැමට ගෙන එනු නියා
ඒත් අද පවුකාර කමේ නිම් නැති නිසා
අපි පැලේ තනි කරන් නුඹ දෙව්ලොව ගියා
දෙව් මවුනි පා වදින අසරණ වූ මා හිමියා
නොදුටුවෙද ඔබ දෙඇස් කදුළු පිරි තිබු නිසා
රත්තරං පුතුට,මට ⁣හිටිය දෙවියා එයා
දැන් ඉතිං මේ කුරිරු දේසේ අපි තනි උනා
ඇස් කන් වහන් ඉන්න පාපතර උන් නිසා
මගේ මුළු ජීවිතය කළු කුහරයක් උනා
කුමක් නම් කරන්නද දෑත් මගෙ වෙවුලනා
නැති ⁣වූණේ මට තිබුණු ලොකුම සම්පත නිසා
මගේ... රං පුතේ ම⁣ට යලි යලිත් සමා දෙන්
උඹට මේ අපාගැබ උපත දුන් පව නිසා...

ආදරය මහ  පුදුමයි
ආදරේ වෙනුවෙන් මොනතරම් දේවල් කරන්න පුළුවන්ද
ආදරේ වෙනුවෙන් මොනතරම් ඉවසන්න පුළුවන්ද
මේ හැමදේටම හේතුව හදවතේ ගැස්ම #dhadak
ආදරය මුළු ජීවිතයම වෙද්දිත්
ඇස් දෙකට කදුළු ගේන
ආදරය මුළු ජීවිතයම අතෑරල යද්දිත්
ඇස් දෙකට කදුළු ගේන
ආදරය ඇත්තටම මහ පුදුම දෙයක්
ඇස් පියන් අහන්න
හෙමිහිට හෙමිහිට
තමන්ගෙම හදවතේ ගැස්ම කියන කතාව
කියන්න මුළු ලෝකෙටම
හදවත කියන ඒ කතාව
පුදුමත් හිතෙයි
ඒ තරම් ලස්සනයි හදේ ගැස්ම කියන කතාව ❤

Dhadak movie ❤
බලන්න... ආදරේ හින්ද දැනෙන සතුටයි දුකයි..

_බැඳීම_
නොහිතන මොහොතක
නොඑන ගමන් යන
සමහර මතක
නොසෑහෙන්න දුකක් දෙද්දි
හිත අතරමං කරන
අකුරු තුනකි #බැඳීම…#

_අත්හැරීම_
නොහිතන මෙහොතක
නොඑන ගමන් යන
සමහර මතක
නොසෑහෙන්න දුක් දුන්නට
හිත ගලක් කරන
ධම්ම පදයකි #අතහැරීම…#

ආදරේ මහ පිස්සුවක්
දවසක්
"මං ඔයාට පැලෙන්න ආදරෙයි රත්තරං" කියනවා.
ආයෙ දවසක
"ලඟ හිටියනම් මං තෝ මරනවා"
කියනවා.
මොකද්ද මේ ආදරේ
කවුද දන්නෙ මේ හරුපෙ තේරුම
එකිනෙකාට සාපේක්ෂ වෙච්ච දේකටද..?
හරියට වතුර ⁣වගේ හැඩයක් නැති දේකටද..?
ඉන්නවා සුපිරි ප්‍රේමවන්තයෝ
ඒත් උන් අස්සෙත් ඇති නොපෙන්න කෙනහිලිකම්
අනිත් එකා වෙනස් කරන්න දඟලන වෙලාවෙ ඒකගෙ හදවත අවංකව තේරුම් ගන්න උත්සහ කරානම් හරි...
මිනිස්සු ජීවත් වෙනවා
ආදරේ එක්ක
ඒත්..
උන්ගෙ හදවත් මැරිලා
"ආදරය","ජීවිතය" හැමදේම පටලගෙන
ආදරේ කරන්නම ඕන ඒකෙ රහ දැනගන්න
සමහරුන්ට නීරසයි
සමහරුන්ට පැණිරසයි
මං හිතන්නෙ ආදරේ නෙල්ලි ගෙඩියක් වගේ..

ඉස්සර වගේ

ආදරේ දුරට යද්දි
පස්සෙන් දුවන්නෙ නැහැ
ඉස්සර වගේ...

ආදරේ මං අතහරිද්දි
පපුව පිච්චෙන්නෙ නැහැ
ඉස්සර වගේ...

උහුලගන්න බැරි වචන කියද්දි
දුක හිතෙන්නෙත් නැහැ
ඉස්සර වගේ...

තනි වෙලා කියලා දැනෙද්දි
කදුළු උනන්නෙත් නැහැ
ඉස්සර වගේ...

ඔය නපුරු හිතට මං ඕන වෙද්දි
ආදරේකුත් නැහැ
ඉස්සර වගේ...
                                 
                                💔 _චේ_ 💔

මේ වෙනකොට අපට කොච්චර මිනිස්සු හමුවෙලා ඇත්ද,
ඒ අතරිනුත් කීයක් එක්ක හිනා වෙලා ඇත්ද
ඒ හිනාවන් එක්ක කතා කරපු අය කී දෙනෙක්නම් ඇත්ද
ඒත්..
හදවතටම කතා කරන්න කීයෙන් කී දෙනාට පුළුවන්
ජීවිතේ හරි පුදුමයි
හමුවෙනවා
ඇසුරු කරනවා
වෙන් වෙනවා
අපි දන්නෙත් නැහැ කාලයත් ගෙවිලා
ඒත් ගෙවුණු මතකයන් අස්සේ
හදවතටම කතා කරපු
පපුව හෑරෙන තරමට හැඟීමක් ගෙනාපු
කෙනෙක් ඉන්නවා
අපි හැමෝගෙම හිත්වල..
ඒ හින්දම කාගෙ හරි මතකයක
ඇවිත් යන මතකෙක හිමිකාරයෙක් නොව
කෙනෙක්ගේ හදවතටම
කිදා බැස්ස පිලිලයක් වෙන්න..
හැබැයි
ආදරෙන්......❤

ගෙදර ඉඳන් නුවරට

බස් එකේ යන්නත් තියෙද්දී
මං ආවේ කෝච්චියේ යන්නයි
තාත්තා දෙන පුංචි මුදල අතට ඉතිරි කරගන්න.
පාන්දරම තිබ්බා කෝච්චියක්
එන්න බැරි හින්දා කළුවරේ තනියම
අම්මත් ආවා මගෙ තනියට....
පාන්දර පහයි ආවා අපි ස්ටේෂමට
එළියක් නැහැ තවම කළුවරයි මුළු අහසම
ටිකටි එක අරගෙන මං
කෝච්චියට නගින්න යද්දි
අම්මට එන්න ඉඩක් නැහැ මං එක්ක
වැටට විතරක් වෙන් උනා අපි
මං ආවා නගින්නට
දුවගෙනම කෝච්චියට
ඒත් හිතේ කොනක
පුංචි අඩුවක්ම දැනුනා මට
එ් මගේ අම්මාම බව දනිමි මම
වාඩි උනත් මං කෝච්චියේ පෙට්ටියක
යන්නට තව හුඟ වෙලාවක් ඇත
ඒ හින්දා ගියා මං
අම්ම කොතැනද බලන්නට
යද්දි අම්මා තවම
වැට ගාව එල්ලීගෙන
බලං හිටියේම මං එයි කියා වෙන්න ඇති.
අතවනා අෑ දෙසට
මං කිව්වෙ අම්මාට
"එළිය වැටුනම යන්න
මට බයයි අම්මා ගැන"..
වචනයක් පිට නොකර
හිස වැනුව විගසින්ම්
මං දනිමි නුඹේ ඔය
ආදරය හිර වෙලා ඉකියක්ව
කෝච්චිය පිටත්වෙන වෙලාවත් ලඟා උනි
මම ඇවිත් හිටි තැනම ඉඳගතිමි සමුඅරන්
මගේ ඉකි හිරවෙලා කදුළු වී රූරද්දි
හූ... හඩට එහා මගේ හිතම කී ගා හඬද්දි
අහන් ඉන්නට මටත් බැරි විය.
අම්මේ නුඹ දැන් නොපෙනුනත්
දැනෙනවා මට මහ මෙරක්
අම්මගෙ ඇස් තෙමුනාට කදුලින්
සෙත් පතන බව මට හොඳින්....

මගේ ආදරේ

දකින්නට
විඳින්නට
අහන්නට
දොඩන්නට
එන්න දිනයක්
තාම නැත්තේ
හිතට තවමත්
ඕන නැතිවද....?

ගෙදරින් මං හුඟක් දුර

හීනෙනුත් මං ගෙදර යද්දී
මගේ දුක කෑ මොර නගද්දී
අම්මටත් දැනුනලු කියද්දී
ගිනි ගනී හදවත මැරෙද්දී

දවස් ගනිමින් මඟ බලද්දී
ගෙදර බත් වල රස හොයද්දී
අම්මගේ බැනුනුත් මතක් වී
පිරෙයි සෙනහස දෝරෙ යද්දී

දින ගෙවී සති ගෙවී යද්දී
හෙට ගෙදර එන්නම් කියද්දී
නොපෙනුනත් ඔබේ ඇස් තෙමෙද්දී
දැනුනා මට ආදරේ වෙද්දී.....

තව තවත් ආදරෙයි

පපුව රිද්දන තරමට
ඇහෙන වචන එක්ක
මම ටිකෙන් ටික මිය යද්දි
ආයෙත් ඇවිත්
මට ජිවත් වෙන්න
හුස්ම දෙද්දි
කොහොමද රිද්දන වාර ගණන 
මතක් කර කර පලිගන්නෙ
තව තව ආදරේ කරනවා ඇරෙන්න... 💖